Skip links

Танилцуулга

Зорилго

“Coal Mongolia” нүүрсний салбарын худалдаа, хөрөнгө оруулалтын Олон Улсын чуулга уулзалт, үзэсгэлэн нь Монгол Улсын нүүрсний салбарт хөрөнгө оруулалт татах, шинэ техник технологи нэвтрүүлэх, нүүрсний экспорт, худалдаа, тээвэр ложистикийг сайжруулах, Азийн зах зээлд Монголын нүүрсний салбарын өрсөлдөх чадварыг бэхжүүлэх зорилгоор 2011 оноосжил бүр амжилттай зохион байгуулагдсаар ирсэн билээ.

2022 оны уриа

10 дах удаагийн “Coal Mongolia-2022” нь “Сэргэлтийг хамтдаа” уриан дор 2022 оны 9-р сарын 7-8 өдрүүдэд, ШангриЛа Улаанбаатар зочид буудалд өндөр дээд хэмжээнд зохион байгуулагдана.

Энэ жилийн чуулганы онцлог ба зорилт

Монгол Улсын нүүрс экспорт түүхэн дээд хэмжээнд хүрч коксжих нүүрснээс гадна антрацит болон эрчим хүчний нүүрсийг баяжуулж экспортлож эхэлсэн, БНХАУ Австралийн коксжих нүүрсний импортод хориг тавьсан мөн нүүрсний үнэ өсөлттэй байгаа зэрэг нь салбарын онцлох үйл явдал болж байна Монголд шинээр нүүрс баяжуулах үйлдвэрүүд олноор баригдаж нүүрсний салбарын хөгжил шинэ шатанд гарч олборлолтоос баяжуулалт, боловсруулалт тээвэрлэлтийн технологийн болон зах зээл, гадаад худалдааны бодлогын сорилтуудтай тулгарч байна. Иймд энэ удаагийн чуулганаар өрсөлдөөнийг онцолж бэлтгэн нийлүүлэгч, үйлдвэрлэгч-худалдан авагч талуудын бизнесийн харилцаа хамтын ажиллагааг үр ашигтай өргөжүүлэх зорилт дэвшүүлж байна.

Зохион байгуулагчид

Чуулганы ерөнхий зохион байгуулагчаар “Монгол Нүүрс Ассоциаци”, хамтран зохион байгуулагчаар “Монгол Нүүрс Ассоциаци”, Хятадын Нүүрс Тээвэр, Худалдааны Ассоциаци болон дэлхийн нүүрсний зах зээлийн судалгаа, худалдаа, тээвэр ложистикийн платформ бүхий мэдээллийн вэбсайт www.ccbdcc.com буюу БНХАУ-ын Түдэй Тинк Танк компани мөн дэлхийн нүүрсний зах зээлийн судалгаа, худалдаа, тээвэр ложистикийн платформ бүхий мэдээллийн вэбсайт www.yimei180.com буюу БНХАУ-ын Хэлүэ цахим худалдааны компани нар оролцож байна.